الموضوع: امسية ومض 2011 - ديوان البدر ومض - امسيه شعريه للبدر ديوان ومض 2011 -

[align=right]
الغضب[/align]


نشي غيظي .. سحابٍ أسودٍ في موسم الدخان
ترزم .. وأمطر بجمرٍ غدا له بالحشى صالي

غضبت .. وما دريت إن الغضب ياصاحبي إنسان
وسيمٍ مثل سلة سيف.. وقلبه أسودٍ بالي

هدمت الدار من قل الحصى لأجل أرجم الخلان
وقتلت النور .. من كثر الجفا با فارق ظلالي

وحثيت الريح..في وجه التراب وهبت القيعان
تحت أقدامي .. ومرت ديار وودعت غالي

ويوم أصحت سما نفسي .. تلفتت وصرخت .. فلان
قمر وجهك .. وشمس الدار في دمعي تغايا لي

وقفت .. وكانت الفرقا .. مشيت ولا حصل نسيان
بكيت .. ولا سقاني الدمع لا مرٍ ولا حالي

غريبٍ تزرع عيوني سراب .. وتحصد الكثبان
وحيدٍ مثل رسمٍ مبطيٍ في صحصحٍ خالي




ض5 ض5
ض5 ض4 ض5
ض5 ض4 ض5
ض5 ض5

[align=right]تخيل[/align]
[align=center]
تاقف على اطراف الهدب .. وماشافتك عيني ..
صافحتني ومدري يدك هي لمست ايديني ..
سلم .. ابارد السلام ..
وهذا ترى كل الكلام ..
اللي بقى بينك وبيني ..
تخيـّــل ..

من وين .. ومنين ومتى ..
بالله ذكرني ..
بالله ذكرني .. متى ..
جيتك انا فـ ليلة شتا ..
تهزني ريح الشمال ..
محتاج انا لبسمه وشال ..
تركتني لبرد الطريق وانا على بابك ..
اتذكر انك قلت لي بالله وش جابك ..
ودعتني قبل السلام .. وهذا ترى كل الكلام
اللي حصل بينك وبيني ...
تخيّــــل ..

اليوم لعيوني السما والارض البعيد ...
اليوم ولغيرك انا يطري على بالي القصيد ...
اشتقت للقلب الخلي ..
وش هم .. لو تعتب علىّ ..
جيتك انا فـ ليلة ألم .. قلبي على كفي ..
همست لي روح ياغريب الشوق مايكفي ..
سلم ابارد السلام ..
وهذا ترى كل الكلام ..
اللي بقى بينك وبيني ..
تخيّــــل [/align]



ض5 ض5
ض5 ض4 ض5
ض5 ض4 ض5
ض5 ض5

[align=right]
يذكرني القمر ظلك[/align]
[align=center]
يذكرني القمر ظلك عجب ياللي ظلالك نور
وانا اللي ماعرفت الليل لولا عتمة أهدابك

حبستك في السما شمس وعلى وجه السحاب طيور
ونخيل باسق يشرب رضاك ويعطش عتابك

وجلست اناظرك ما رف لي جفن تقل مسحور
أقول ان الجمال انتي وكل العشق باسبابك

هقيت اني ملكتك مادريت ان الأماني غرور
وانك في يدي لين انتحابي الوقت واقفا بك

سقا الله يوم كان اكبر همومك خاطري المكسور
وكنت الضي في عينك وكنت السقم في ثيابك

سقا الله يوم كنتي الارض أنهار وشجر وقصور
ديار نورها من طاقتك .. وأحلامها بابك

عيوني ياشقى عيوني من الجدب الموات البور
أراضي مابها الا ماذوى وانهد في غيابك

أحبك كان لي قلب يجض من الجفا مقهور
وصار اليوم يفرح لو لقى به عذر يشقى بك [align=left][/align]



ض5 ض5
ض5 ض4 ض5
ض5 ض4 ض5
ض5 ض5[/align]

[align=right]
الشمس طاحت
[/align]

[align=center]
الشمس طاحت .. وبردت..
ورمد الشفق .. في حجر الارض
من يشتهي يدوس باقدامه على هالرماد كله ..
يا عابرٍ .. على المدى .. من السراب .. الى الندى ..
قلبي سقط فوق التراب شله ..
او لا تدوس القلب خله .. كل يوم له شمس
وانا مالي سوى قلبي
انا .. من بكى لين الثرى بله بالدمع ..
ويوم اكتفى .. صد وعصر ظله .. ومسح بردنه .. وجنته ..
ثم ابتسم لين حسدوه الناس
يازارعٍ شوك الهراس .. فوق الرمل كله .. لاقدام من يكره الشوك
ياحظ من ياطى بقدم .. انا مالي سوى قلبي
الشمس طاحت ونثر الظلام ظله ..
على الجروح .. ياكاتم الزين الفضوح عن عيني
لا تظهر انيابك .. وتقطع احبابك شمات
انا من عطى ضي الشموس خله .. لين حسدوه الناس
ولا تنتظر غير السموس .. لله ..
انا مالي سوى قلبي .

[/align]

ض5 ض5
ض5 ض4 ض5
ض5 ض4 ض5
ض5 ض5