الموضوع: سوالف السوداني - وشباب الديره - من سوالف الاولين

الاولين , الديره , السوداني , سوالف , من , وشباب

سوالف السوداني - وشباب الديره - من سوالف الاولين

.
.

أول شي مسـاكم الله بالخير والسرور..
تحسّون إني جديد صح ..

أمس جلسنـا في مجلس جدي الله يحفظه وقام كل وآحد يسرد سوالفه أيـام المدارس..
مافاتني أنّي أسجلهـا عشـان أجي أطق الكوبرا واتوسط المجلس عندكم وأبدا بالسوالف..



( 1 )

هـذا الله يسلمكم الوالد الله يحفضه ومعه شلّته من أهل الديره كانوآ مسوين الدعثه بهالمدرسين..ومابه أحد يجي عندهم خاصة اذا كان من برا الديرة الا يعطونه الويلآت.. يقول أبوي جانا أول يوم بالدراسه وحنا بالمتوسط واحد من الطايف جاي ويتكلم من طرف خشمه ببداية الحصّه يتكلم عن الأدب وان اللي مايلتزم راح ينفرش ( ينجلد ).. سأل واحد من أخوياء أبوي قال وتطردنا.. قال أيه أطردكم واللي مايحترم نفسه ماراح يدخل الفصل مرة ثانيه.. قال أبوي أنا بطلع قال الله معك ولاعاد تدخل الفصل..قام الفصل كله قال نبي نطلع وضربوا الباب.. وما بقى الا هو بالفصل..
اليوم الثاني بعد ماجابهم المدير..دخل عليهم هالمدرس.. وقال رجـاء لاتتكلمون نبي نخلص الحصه على خير..أتفقوا على طريقه يسونها .. وهي أذا سأل يكتبون كلهم الجواب بورقه ويعطونها اياه.. شرح لهم شي على السبورة ثم قال فهمتوا... كلهم اللي كتب ايه واللي كتب لا .. واللي كتب ممكن تعيد..يقول اليوم الثالث شفناه حوّل على فصل ثاني...




( 2 )

جـاهم مدرس مكـاوي.. دخل واحد من أخوياء أبوي اسمه عوّاض وطرده هالمدرس ..طبعا كانت بيتوهم حوالين المدرسه ماهيب بعيده.. طلع عوّاض وراح البيت ورجع معه الشوزن وضرب الباب برجله..ناظر فيه وحط الطلقه.. قال أنت تطردني .. قال المكّاوي أنا عندي بزورة خلاص أدخل وماراح أطردك ثاني .. دخل عوّاض وجلس على كرسي هالمدرس.. وبعد ما أنتهت الحصّه.. حلف أبوي أنه ماقد شافه بالمدرسه من عقب هذاك اليوم "




( 3 )

زي ما فيه مدرسين خيخه.. فيه مدرسين لهم هيبه..وكان منهم عيد الله يرحمه..هذا كان له هيبه مهيب طبيعيه أبد.. يدخل الفصل الكل يقوم.. واللي مايقوم عليه الويل..اذا جلد أحد جاب خبره.. واذا هجّ بعد جاب خبره.. رقّوه من مدرس رياضه الى مدرّس يهجّد الطلاب بين الحصص.. وسحبوا على الرياضه.. كان يجلد الطلاب المشاغبين والا الغايبين بهوز من القوي ذاك وكان داخل الهوز أسلآك حديد.. أنا ترى ما أستوعبت طريقتها.. بس يقول واحد من عمّاني أنهم كانوا يصلون الفجر ولا ينامون يخافون من الغياب والا التأخير..كيف طريقه ضربه.. كان يضرب من المنطقة الخلفية بس.. مايضرب على الأيد أبد.. وكان مسبب للطلاب رعب.. لين أكتشفوا بعض الطلاب وكان منهم عمي طريقه زينه أن كل طالب يجيب اللستك حق الكفر ويحطه من ورى السروال اذا راحوا بدري خلوه واذا تأخروا لبسوه ومن وراه سروالين.. وصار عيد يضرب وهم يتألمون كذب.. ويروحون وهم يضحكون.. و راح عيد من المدرسه ولا درى عن هالطريقه أبد..





(4 )

كـان فيه مدرس سوداني مطوّع مع أنهم مايدانونه الا أنّه اذا حلف على شي يصير طيب والا غصب.. يقول عمّي قبل الحصه رحت لفصل ثاني آخذ قرآن من عندهم.. ذا المدرس كان يدرّس قرآن.. المهم يقول بدت الحصّه وانا احوس برقم الصفحه أثرهـا كانت مشقوقه.. وابتلشت لأنه بيهزئني قدام الطلاب.. يوم جاء الدور عندي قال أقرأ يامنصور.. قمت قلت أستاذ وحيد ترى الصفحه مشقوقه.. قال وحيد أعوذ بالله.. جزاء لك.. واللهِ ماتنّجح واللهِ ماتنّجح.. جاه عمي يا استاذ تكفى ومدري ايش.. قال أنا حلفت.. يقول عمّي وصدق ذا الزول وعدت القران دور ثاني ..

أتمنى أنّها سوالف تكون خفيفه عليكم.. وفيه واجد لكن العتب على الايد مسيكينه مالها حيل تكتب..
فمــان الله..

م/ن

---

`mi`RiWi[ `RiW`mi`x`RiPi. - i`v`~`R`~ `RiW`xi.`ig iSiP `RiW`RiiWi.iP `RiW`xi.`ig `RiW`mi`x`RiPi.